Category: WARKA MAANTA

Taliyaha ciidanka xooga dalka iyo la taliyaha dhanka Ambiga ee Madaxweyne Farmaaho oo fariimo kulul isdhaafsaday

Khilaaf ayaa soo kala dhex galay Taliyaha Ciidanka Xoogga dalka Jen. C/wali Jaamac Xuseen (Gorod) iyo La Taliyaha Amniga Qaranka ee Madaxweyne Farmaajo Cabdisaciid Muuse Cali kaasoo ka dhashay qoraal la taliyuhu u diray taliska xoogga dalka.

Warqada uu diray la taliyaha Madaxweynaha ee dhinaca amaanka oo talo soo jeedin aheyd oo ka hadleysay arrimaha ciidamada Xoogga dalka iyo in aan amar la’aan la qeybin hubka iyo rasaasta, isla markaana macluumaadka lala wadaagi karin Beesha Caalamka wakiilada u jooga Somalia.

Balse, Warqad jawaab ah oo ka soo baxday taliyaha ciidanka XDS ayaa digniin loogu jeediyay la Taliyaha Madaxweynaha ee dhanka arrimaha Amniga, waxaana loogu sheegay in aanu awood u laheyn inuu soo farageliyo arrimaha ciidamada, ayna yihiin arrimahaas kuwo u yaalla taliska ciidanka iyo Wasaarada Gaashaandhiga

La Taliyaha ayaa looga digay inuusan mar dambe warqada noocaas  uu u soo qorin Xafiiska Taliyaha Ciidamada xoogga dalka

Hoose ka akhriso qoraalada ay labada dhinac isdhaafsadeen:-


Source: Dayniile

Ganacsiga Suuqa Bakaaraha oo qeyb ka mid ah maanta xiran

Waxaa saakay xiran inta badan Ganacsigii ka jiray Suuqa Bakaaraha ee magaalada Muqdidsho, ganacsatada ayaana isku raacay in aysan saakay furin ganacsigooda ilaa inta laga xalinayo cabashadooda.

Ganacsatada ayaa diidan bixinta canshuur dheeraad ah oo Wasaarada Maaliyada kusoo rogtay, waxa ayna ganacsatada qaarkood sheegeen in aysan cadaalad aheyn in Muqdisho kaliya lagu soo rogo canshuur dheeraad ah.

Mid kamid ah Ganacsatada Suuqa Bakaaraha oon la hadalnay ayaa noo sheegay in saakay wax ganacsi ah uusan ka jirin Suuqa Bakaaraha, waxa uuna sheegay in dhamaan albaabada u xiran yihiin goobaha ganacsi.

Ganacsatada qaarkood oo isku dayay in ay furaan goobahooda ganacsi ayaa lagu qasbay in ay xiraan, waxa ayna ganacsatada yihiin kuwa hor fadhiya goobahooda ganacsi oo albaabada u xiran.

Xirnaaashaha ganacsiga Suuqa Bakaaraha oo ah Suuqa ugu weyn Soomaaliya ayaa saameyn badan ku yeelanaya bulshada Muqdisho, lamana oga inta uu Suuqan sii xirnaan doono.

Wasaarada Maaliyada Xukuumada Soomaaliya ayaa dhawaan canshuur kordhin ku sameesay Ganacsatada gobolka Banaadir ee alaabaha kala soo dega Dekadda Muqdisho, waxa ayna ganacsatada sheegeen in ay ku adag tahay in ay bixiyaan canshuurta laga rabo.


Source: Dayniile

Kooxaha Tuugaa oo Bajaajley ah oo ku soo badanaayo magaalada Muqdisho

Waayihii ugu dambeeyay magaalada Muqdisho waxaa kusii kordhayay burcada hubeesan ee dadka dhaca iyo dhibaatooyinka kale u geesta, waxa ayna burcadan inta badan ka howlgalaan degmooyinka gobolka Banaadir.

Burcadan hubeesan ayaa inta badan adeegsata mootooyinka loo yaqaano Bajaajta, waxa ayna orod ku maraan wadooyinka Muqdisho iyaga oo dadka kasii qaata Moobeelada ,Laabtoobyada iyo ilaabaha kale ee dadka wataan.

Kooxahan burcada aaa mararka qaar dila ama dhaawacyo culus gaarsiiya dadka isku dhajiya in la dhaco ama laga qaato moobeelada iyo alaabaha kale ee wataan, burcadan ayaana ah kuwa aan naxriis laheyn.

Inta badan kooxahan burcada ah ayaa ka qaraabta wadooyinka jidcadayaasha jayga ah ee Mootooyinka mari karaan, waxa ayna soo qaataan mootooyin aan laheyn taargo ama wax sumad ah.

Shacabka Muqdisho oo qaati ka taagan burcadan ayaa ugu baaqay ciidamada amaanka in ay wax ka qabtaan burcadan kusoo badaneysa magaalada , waxa ayna dadka qaarkood bilaabeen in aysan guryaha kala bixin moobeelada qaaliga ah.

Ciidamada amaanka ayaa howlgalo ay dhoor mar sameeyeem horey ugu qabtay kooxo burcad hubeesan oo dadka ku dhici jiray Mooto bajaajta, waxaana hada looga fadhiyaa ciidamada amaanka in ay wax ka qabtaan burcada magaalada kusii kordheysa.


Source: Dayniile

Maxay kooxaha diidan Ra iisal wasaare Xasan Cali Kheyre ku diidan yihiin

Xasan Cali Kheyre waa Ra iisal wasaarahii ugu horeeyey oo wax badan ka qabtay dalka keenayna in ay dalka muda 4 bil ka dhicin wax qarax ah

Waxaa kale uu keennay in aduunka aamino Soomaliya dhaqaalaha heydaha loo.marsiin jiray si toos dowlada Soomaliya loogu wareejiyo

Waxuu kale ku guuleystay in maxaabiis badan oo Soomaliya dalal shisheeyey ku xirnaa uu soo daayo dalkooda dib ugu soo celiyo

Wax kale ku guuleystay 27sano ka dib canshuurta dalka uu ka qaado shacabka si uu uvu maareeyo shaqaalaha iyo ciidanka dalka Soomaliya

Waxa kale ku guuleystay in uu awooda dowlada shacabka gacantooda soo galiyo

Hadaba shaqsi intaa qabtay maxay ku diidan yihiin

1 waxay ku diidan yihiin maxaaa murusade uga dhalatay wax aan 27sano qaban weynay u qabatay adigoo murusade ah

2 wax u quurid la aan hor marka uu sameeyey

3 shaqsiyaad iska dhuuqi jiray qarashaadka dowlada si xisaab la aan ah u isticmaali jiray uu Ra iisal wasaare Xasan Cali Kheyre uu dhuunta qabtay kana hor istaagay

4 shaqsiyaad madaxda dowlada caayo ha dhoowna dhaqaalo weydiisto taa uu Kheyre diidan in hantida dowlada siiyo shaqsiyaad baraha bulshada ka caayo waa tan keentay hal sano dalka hogaaminaaye maalin war been ah ka faafiyaan

Hadaba kooxa diidan hanaanka wangaasan ee dowlada maxay bilaabeen markoow dhan walba ku guuleystay Ra iisal wasaare Xasan Cali Kheyre shaqadiisana ka soo baxay

1 in ay mar waliba buun buuniyaan war been ah kaa oo ah in Mooshin laga keenay Xasan Cali Kheyre in uu qilaaf isaga iyo madaxweynaha uu jiro taa oo markii dhab loo baaro been noqoto

Dadka mucaarada ayaa u badan beesha Habar gidur oo dalka Soomaliya 27sano dalka Soomaliya ka dagi weysnaa mar walibana hor taagnaa in la helo hanaan dowlad ee wanaagsan

Hadaba Ra iisal wasaare ma.amaan buu mudan yahay mise iyo baraha Bulshada looga been abuuro


Source: Dayniile

War deg deg ah Jen Ahmed Taajir oo dhawaan loo magacaabi doobo Taliyaha ciidanka Boliiska Soomaliyeed

Sida ay sheegayaan ila hoose ee ka ag dhow madaxtooyada ayaa sheegayo in dhawaan la magacaabi doono Taliyaha Ciidanka boliiska iyo Taliyaha Nabad sugida Soomaliya

Taliyaha ciidanka Boliiska ayaan helnay cida loo magacaabi doono  kaa oo lagu magacaabo Jen Ahmed Taajir oo ka soo jeedo beesha  Leylkas

Waxaan  ila hoose ii sheegay in dhawaan lagu dhawaaqi doono labadaasi Taliye  madaama  hada la diyaariyey qoraalka labada shaqsi oo aan midka mid ah helnay magaciisa

Taliyaha ciidanka Boliiska Jen Ahmed Taajir ayaa horay uga tirsanaa hogaanka sare ee Boliiska isagoona wayadaan danbe ku noolaa wadamada reer Galbeedka


Source: Dayniile

Magacyadda Raggii Weeraray Macalimiinta Kenya oo la shaaciyay

Dowladda Kenya ayaa shaacisay Magacyadda raggii ka dambeeyay weerarkii Macaliinta lagu laayay ee ka dhacay jimcihii  Iskuul ku yaalla Magaalada Gaarisa halkaas oo lagu dilay saddex Macalin.

Ciidamada Booliska ayaa waxa ay sheegeen Baaritaano ay sameeyeen in kala ahaayeen raggii weeraray Macaliinta Maalim Yusuf Abdullahi, Daud Ahmed Mohamed iyo Abdirashid Ibrahim Osman.

Maxamuud Saalax oo ah isku duwaha amniga Gobolka waqooyi Bari ayaa sheegay in ciidamada Ammaanka ay ku daba jirraan raggaasi, islamarkaana ay gacanta kusoo dhigi doonta.


Source: Dayniile

Dowladda Soomaaliya oo guddoontay 30 gaari oo loogu deeqay 

Gaadiidkani nuuciisu yahay Landcroser oo 30 xabo ah ayaa dowladda Soomaaliya waxay ka guddoontay Dowladda Qadar,kuwaasi oo loogu talagaly Ciidamada Booliska Soomaaliyeed, kadib munaasabad kooban oo ka dhacday gudaha dekedda Muqdisho.

Waxaa dowladda Soomaaliya u guddoomay Wasiirka Amniga oo uu ka guddoomay Danjiraha Dowladda Qadar ee Soomaaliya Eng. Xasan Bin Xamza,iyadoo uu goob joog ka ahaa Wasiir kuxigeenka Dekedaha iyo Gaadiidka Badda iyo mas’uuliyiin kale.

Mudane Maxamed Abuukar Islow Ducaale Wasiirka Amniga Xukuumadda Soomaaliya ayaa dowladda Qadar uga mahadceliyay dowrka ay ku leedahay Taageerida dowladda Soomaaliya iyo Shacabkeeda.

“Waxaa mahad iska leh Alle Subxaanahu watacaalaa,intaasi kadib waxaan rabaa in hortiina aan uga mahadceliyo Dowladda Qadar,safar aan dhawaan ku tagay Dalkaasi Qadar waxaan la kulmay Ra’iisul wasaaraha Dalka Qadar ahna Wasiirka Arrimaha gudaha Sheekh  Cabdalla C/naasir Bin,wuxuu balanqadaay in uu taageero Dowladda Soomaaliya,taageeradaasi ayaa bilaabatay,waxaana maanta aan ka guddoonay 30 baabuur nuuca Landcroser ah,kuwaasi oo loogu talaglay in Ciidanka Booliska”.Ayuu yiri Wasiir Islow.


Source: Dayniile

Ciidamada Asluubta oo hal Talis yeelan doona 

Wasiirka Wasaarada Cadaalada Xukuumada Soomaaliya Abuukaate Xasan Xuseen Xaaji ayaa sheegay in Wasaarada Cadaaladda ay ka shaqeyneyso sidii hal Talis looga maamuli lahaa dhamaan Ciidamada asluubta soomaaliyeed heer federal iyo heer dowlad goboleed.

Wasiirka ayaa sheegay in ay muhiim tahay in la helo ciidamada asluubta oo hal talis laga maamulo laguna tababaro hal xarun.

Waxa uu tilmaamay in mudada uu joogo Xafiiska in uu ahmiyada siinayo hormarinta iyo tababarada ciidamada asluubta Soomaaliyeed oo uu sheegay in ay yihiin ciidamo muhiim u ah shacabka Soomaaliyeed.

Wasiirka Cadaaladda ayaa xusay in ciidamada asluubta aysan hada si toos ah looga maamulin hal talis.

Wasiirka Wasaarada Cadaalada Xukuumada Soomaaliya Abuukaate Xasan Xuseen Xaaji ayaa hadalkaan ka sheegay ka dib markii uu ka qeyb galay dhoolatus ay sameynaayeen ciidamada asluubta Soomaaliyeed ee u diyaar garoobaya xuska maalinta ciidanka asluubta oo ku began maalinta khamiista 22 Febraayo.


Source: Dayniile

Ciidamada Asluubta oo hal Talis yeelan doona 

Wasiirka Wasaarada Cadaalada Xukuumada Soomaaliya Abuukaate Xasan Xuseen Xaaji ayaa sheegay in Wasaarada Cadaaladda ay ka shaqeyneyso sidii hal Talis looga maamuli lahaa dhamaan Ciidamada asluubta soomaaliyeed heer federal iyo heer dowlad goboleed.

Wasiirka ayaa sheegay in ay muhiim tahay in la helo ciidamada asluubta oo hal talis laga maamulo laguna tababaro hal xarun.

Waxa uu tilmaamay in mudada uu joogo Xafiiska in uu ahmiyada siinayo hormarinta iyo tababarada ciidamada asluubta Soomaaliyeed oo uu sheegay in ay yihiin ciidamo muhiim u ah shacabka Soomaaliyeed.

Wasiirka Cadaaladda ayaa xusay in ciidamada asluubta aysan hada si toos ah looga maamulin hal talis.

Wasiirka Wasaarada Cadaalada Xukuumada Soomaaliya Abuukaate Xasan Xuseen Xaaji ayaa hadalkaan ka sheegay ka dib markii uu ka qeyb galay dhoolatus ay sameynaayeen ciidamada asluubta Soomaaliyeed ee u diyaar garoobaya xuska maalinta ciidanka asluubta oo ku began maalinta khamiista 22 Febraayo.


Source: Dayniile

Madaxweynaha Koonfur Galbeed oo Muqdisho

Madaxweynaha Maamulka Koonfur Galbeed Shariif Xasan Sheekh Aadan, ayaa maanta lagu soo dhaweeyay magaalada Muqdisho.

Shariif Xasan Sheekh Aadan ayaa ka soo laabtay dalka Jabuuti, halkaasi oo uu kulamo kala duwan kula soo qaatay madaxda dalka Jabuuti.

Madaxweeyne Shariif ayaa maalmo ka hor dalka Jabuuti kulamo kula soo qaatey Madaxda Jabuuti iyo Shirkado Caalami ah iyagoo kala saxiixday dib u dhiska Dakadaha Magaalooyinka Koonfur Galbeed gaar ahaan Dakadda Baraawe Iyo Dakadda Magaalada Marka iyo Mashaariic kale.

 


Source: Dayniile